Səhiyyə
- Persembe, 22 Nisan 2021
- Jurnalist Yasemen MEMMEDLİ
Özbəkistan Elmlər Akademiyasının Bioüzvi Kimya İnstitutu Çin Elmlər Akademiyasının alimləri ilə birgə COVID-19 əleyhinə “Rutan” adlı yeni vaksin ixtira ediblər.
Trtajans AzərTac-a istinadən xəbər verir ki, yeni vaksin bitkilər əsasında hazırlanan yeganə təbii dərmandır.
Aparılan klinik tədqiqatlar göstərir ki, “Rutan” vaksinindən COVID-19 virusunun və müxtəlif ağırlıqda olan pnevmoniya xəstələrinin müalicəsində istifadə oluna bilər.
Qeyd olunur ki, “Rutan” tamamilə təhlükəsizdir və koronaviruslu xəstənin oksigen çatışmazlığına müqavimətini artırır.
Bu günlərdə Çinin Özbəkistandakı “China-Uzbekistan Medicine Technical Park” birgə müəssisəsi və “Radiks” şirkəti tərəfindən yeni vaksinin istehsalına başlanacaq.
